У ведамстве падкрэслілі, што пры гэтым устаноўлены паніжаныя патрабаванні да стажу працы: неабходна 5 гадоў працы з выплатай абавязковых страхавых узносаў (страхавы стаж), 15 гадоў агульнага стажу (з улікам страхавога).

«Незалежна ад узросту пенсія па ўзросце прызначаецца шматдзетным маці, якія нарадзілі пяць і больш дзяцей і выхоўвалі іх да 16-гадовага ўзросту пры стажы працы на прадпрыемствах сельскай гаспадаркі непасрэдна ў вытворчасці сельскагаспадарчай прадукцыі не менш 10 гадоў (без заліку ў стаж часу догляду дзяцей)», — праінфармавалі ў прэс-службе.

Шматдзетным маці, якія нарадзілі чацвярых дзяцей і выхоўвалі іх да васьмігадовага ўзросту, працоўная пенсія па ўзросце прызначаецца па дасягненні агульнаўстаноўленага пенсіённага ўзросту пры паніжаным страхавым стажы — 5 гадоў і пры наяўнасці 20 гадоў агульнага стажу (з улікам страхавога).

«У агульны стаж разам з перыядамі працы залічваюцца таксама перыяды догляду дзяцей ва ўзросце да трох гадоў агульнай працягласцю не больш за 12 гадоў. Таксама нагадваем, што асноўнымі ўмовамі для пенсіі па ўзросце з’яўляюцца: агульны стаж працы (мужчыны — не менш за 25 гадоў, жанчыны — не менш за 20 гадоў), пенсіённы ўзрост (мужчыны — 63 гады, жанчыны — 58 гадоў), а таксама страхавы стаж — патрабуецца не менш за 20 гадоў (перыяды, калі за вас плацілі ўзносы ў ФСАН)», — дадалі ў Мінпрацы.