Агульнаўстаноўлены пенсійны ўзрост у Беларусі для жанчын — 58 гадоў, для мужчын — 63 гады. Калі работнік добрасумленна выконвае свае абавязкі, не дапускае парушэнняў вытворча-тэхналагічнай, выканальніцкай і працоўнай дысцыпліны і да пенсіі засталося не больш як два гады, наймальнік абавязаны прадоўжыць з ім кантракт або заключыць новы як мінімум да дасягнення пенсійнага ўзросту.

Работнікі пенсійнага ўзросту, а таксама на працягу пяці гадоў да яго дасягнення, маюць права на дадатковае вызваленне ад работы для праходжання дыспансерызацыі — два рабочыя дні адзін раз на год з захаваннем сярэдняга заработку.

Для грамадзян перадпенсійнага ўзросту (за пяць гадоў да агульнаўстаноўленага) прадугледжана магчымасць працаўладкавання ў лік броні, а служба занятасці дапамагае падабраць работу і прайсці перанавучанне. Пенсіянер можа прадаўжаць працаваць без абмежаванняў — па працоўным дагаворы або кантракце з атрыманнем поўнага памеру пенсіі. Узрост не ўплывае на памер зарплаты, працягласць водпуску і іншыя працоўныя правы.

Акрамя таго, работнік, які дасягнуў пенсійнага ўзросту, мае права датэрмінова скасаваць кантракт, указаўшы дасягненне пенсійнага ўзросту ў якасці ўважлівай прычыны. У ведамстве падкрэслілі, што звальненне або адмова ў прыёме на работу толькі з-за ўзросту не дапускаюцца.