Іван Барташэвіч расказаў, што мужчына ўпаў, будучы прывязаным да страховачнага троса, трос абарваўся, але змог змякчыць падзенне, што і абумовіла атрыманне цяжкіх, але не смяротных траўм. «Пацыент паступаў у прытомнасці, але на фоне траўматычнага шоку, на фоне цяжкіх пашкоджанняў у яго развіўся ацёк галаўнога мозга. У пацыента цяжэйшая траўма спіннога мозга. Цяжкія пераломы груднога і паяснічнага аддзелаў пазваночніка», — адзначыў медык.

Паводле яго слоў, цяпер ён знаходзіцца ў вельмі цяжкім стане. «Нам удаецца падтрымліваць жыццё штучнымі метадамі жыццезабеспячэння. Пацыент цяпер знаходзіцца ў стане медыкаментознага сну. Яму ўводзяцца спецыяльныя прэпараты для выключэння прытомнасці і барацьбы з поліарганнай недастатковасцю. Ён падключаны на апарат замяшчальнай нырачнай тэрапіі», — падзяліўся Іван Барташэвіч.

Як паведамлялася раней, паводле папярэдніх даных Следчага камітэта, 36-гадовы індывідуальны прадпрымальнік, які аказвае паслугі па экстрым-скачках (роўпджампінгу), рыхтаваў пляцоўку да прыёму кліентаў. З мантажом і настройкай рыштунку яму дапамагаў 40-гадовы знаёмы, які вырашыў зрабіць скачок, замацаваўшы страхоўку самастойна. З-за няправільнай фіксацыі вузлоў мужчына ўпаў на зямлю і атрымаў шматлікія траўмы.