Для ўдзелу ў конкурсе вылучаюцца кандыдатуры дасягнулых найлепшых вынікаў у навуковай, навукова-тэхнічнай, інавацыйнай дзейнасці дактароў навук ва ўзросце да 45 гадоў, кандыдатаў навук — да 35 гадоў, вучоных без ступені — да 30 гадоў (па стане на 1 студзеня 2026 года). Пры вылучэнні кандыдатур маладых вучоных для ўдзелу ў конкурсе ўлічваюцца іх дасягненні ў прыярытэтных кірунках навуковай, навукова-тэхнічнай і інавацыйнай дзейнасці, уклад у сацыяльна-эканамічнае развіццё Беларусі.

Дакументы суіскальнікаў, аформленыя ў адпаведнасці з устаноўленымі правіламі, падаюцца ў НАН. Да 20 мая 2026 года электронная версія заявачных матэрыялаў накіроўваецца на адрас olga@presidium.bas-net.by для папярэдняга азнаямлення і ўстаранення заўваг. Затым да 1 чэрвеня 2026-га дакументы, падпісаныя кіраўніком арганізацыі і аформленыя ў папку-хуткасшывальнік, накіроўваюцца ва ўпраўленне прэмій, стыпендый і ўзнагарод галоўнага ўпраўлення кадраў і кадравай палітыкі апарату НАН Беларусі па адрасе: Мінск, пр. Незалежнасці, 66, каб. 317.

Падрабязней з інфармацыяй аб конкурсе і рэкамендацыямі па афармленні дакументаў можна азнаёміцца на сайце НАН.