Аб’ём марской эканомікі Кітая ў мінулым годзе перавысіў 11 трыльёнаў юаняў, што на 5,5 працэнта больш у параўнанні з 2024-м. Пра гэта паведамілі ў Міністэрстве прыродных рэсурсаў КНР, перадае «Сіньхуа».
Гэты паказчык склаў 7, 9 працэнтаў ад ВУП краіны. Марская эканоміка Кітая вытрымала ціск і захавала высакаякаснае развіццё ў 2025 годзе, дзякуючы больш хуткаму пераходу да павышэння якасці і эфектыўнасці, росту інавацый марской навукі і тэхналогій, а таксама комплекснаму асваенню і ахове марскога асяроддзя, адзначыла прадстаўнік Міністэрства прыродных рэсурсаў КНР Шэнь Цзюнь.
Паводле яе слоў, агульны аб’ём вытворчасці марскіх водных прадуктаў у Кітаі ўжо шмат гадоў запар займае першае месца ў свеце, па маштабе партоў краіна таксама захавала глабальнае лідарства. Аб’ём марскіх перавозак і кантэйнерных перавозак у краіне перавысіў трэць агульнасусветнага аб’ёму, у той час як на долю Кітая прыпадае больш за 50 працэнтаў сусветнага рынку суднабудавання і марскога інжынернага абсталявання. На долю кітайскіх новых і назапашаных марскіх ветраэнергетычных магутнасцяў прыпадае больш за палову агульнасусветнага аб’ёму.
