Па выніках пяці месяцаў гэтага года аб’ём продажаў спажывецкіх тавараў у Кітаі ў рамках праграмы трэйд-ін склаў 1,1 трыльёна юаняў. Аб гэтым паведамілі ў Міністэрстве камерцыі КНР, перадае «Сіньхуа».

Паводле даных ведамства, за гэты перыяд агульнанацыянальная праграма па замене старых спажывецкіх тавараў на новыя прывяла да значнага росту колькасці аб’ёму транзакцый, у тым ліку 4,12 млн. транспартных сродкаў, 77,62 млн. адзінак бытавой тэхнікі і 56,63 млн. адзінак лічбавых прадуктаў, такіх як мабільныя тэлефоны і іншыя.

Гэтая праграма, якая з’яўляецца часткай шырокіх намаганняў Кітая па стымуляванні ўнутранага попыту, садзейнічала ўстойліваму росту спажывецкіх расходаў у краіне, адзначылі ў міністэрстве. Як адзначаецца ў справаздачы аб рабоце ўрада, апублікаванай у сакавіку, стымуляванне спажывання было ўказана ў якасці адной з першачарговых задач на гэты год.

Паводле афіцыйных звестак, у студзені-красавіку рознічныя продажы спажывецкіх тавараў — асноўны паказчык узроўню спажывання ў краіне — выраслі на 4,7 працэнта ў гадавым вылічэнні, паскорыўшыся ў параўнанні з ростам на 4,6 працэнта, зафіксаваным у першым квартале.