Пра гэта сведчыць інтэрактыўная карта Міністэрства лясной гаспадаркі, паведамляе БелТА.

Найбольшая колькасць тэрыторый, дзе дзейнічаюць абмежаванні, — у Гродзенскай вобласці. Гэта Гродзенскі, Воранаўскі, Дзятлаўскі, Лідскі, Іўеўскі, Карэліцкі, Навагрудскі, Ашмянскі, Астравецкі і Смаргонскі раёны.

Па два раёны ў Мінскай (Пухавіцкі і Вілейскі), Віцебскай (Докшыцкі і Гарадоцкі) і Магілёўскай (Магілёўскі і Шклоўскі) абласцях. У Брэсцкай вобласці абмежаванні датычацца Пружанскага раёна.

Карта Гомельскай вобласці на дадзены момант зялёнага колеру, што гаворыць аб адсутнасці якіх-небудзь абмежавальных мер.

Перад тым як адправіцца ў лес, трэба даведацца актуальную сітуацыю ў канкрэтным раёне. Інтэрактыўная карта на партале ведамства пастаянна абнаўляецца ў залежнасці ад змянення сітуацыі, у тым ліку ўмоў надвор’я.