Абмежаванне на наведванне лясоў у Смаргонскім і Ашмянскім раёнах Гродзенскай вобласці было ўведзена з 10 мая. У астатніх раёнах па ўсёй краіне лясы вольныя для наведвання. Пры абмежаванні дазволены прагулкі ў лесе, збор грыбоў ці ягад. 

Аднак нельга заязджаць у лясны масіў на машыне, а таксама забаронена разводзіць вогнішчы.

Актуальныя звесткі аб увядзенні мераў абмежавальнага характару можна даведацца на інтэрактыўнай карце, размешчанай на афіцыйным сайце Мінлясгаса. Таксама інфармацыю можна ўдакладніць у мясцовых райвыканкамах і лесагаспадарчых установах. Трэба памятаць, што гэта карта абнаўляецца ў анлайн-рэжыме, таму перад пабудовай маршруту ў лес неабходна азнаёміцца з актуальнай сітуацыяй.