Паводле даных на раніцу 30 красавіка, у большасці раёнаў краіны дзейнічаюць абмежаванні на наведванне лясоў. У прыватнасці, такія меры ўведзены на тэрыторыі ўсёй Віцебскай вобласці, а таксама часткова — ва ўсіх астатніх рэгіёнах.

Застаецца і нямала раёнаў, адзначаных на інтэрактыўнай карце зялёным колерам.

Спецыялісты рэкамендуюць перад паходам у лес даведацца актуальную інфармацыю на афіцыйным сайце Мінлясгаса, дзе аператыўна абнаўляюцца даныя аб сітуацыі ў лясах і ўвядзенні мер абмежавальнага характару. Інтэрактыўная карта забарон і абмежаванняў на наведванне лясоў пастаянна абнаўляецца. Таксама інфармацыю можна ўдакладніць у мясцовых райвыканкамах і лесагаспадарчых установах.