Аборты ў прыватных медыцынскіх цэнтрах плануецца забараніць у Беларусі, паведаміў міністр аховы здароўя Аляксандр Хаджаеў, адказваючы на пытанні дэпутатаў у ходзе сумеснага пасяджэння дзвюх палат беларускага парламента, перадае БелТА.
Па словах міністра, вядзецца работа над тым, каб забараніць правядзенне абортаў у прыватных цэнтрах. Такая норма ўключана ў праект Кодэкса аб ахове здароўя ў сувязі з тым, што выніковасць перадабортнага кансультавання ў дзяржаўных установах аховы здароўя значна вышэйшая, чым у прыватных клініках.
Адказваючы на пытанне аб магчымасці скараціць перыяд для перапынення цяжарнасці па жаданні жанчыны з 12 да 9 тыдняў, міністр адзначыў, што гэта складанае пытанне, якое патрабуе якаснай прапрацоўкі з боку медыцынскай супольнасці.
