Паводле папярэдніх звестак, сёння раніцай у праваахоўныя органы паступіла паведамленне аб выяўленні цела маладога чалавека без прыкмет жыцця на фасадзе аднаго са шматпавярховых дамоў па Лагойскім тракце.

Следчыя ўстанавілі, што мінчанін пражываў адзін і доўгі час нідзе не працаваў. Да моманту прыбыцця супрацоўнікаў МНС і следча-аператыўнай групы дзверы ў кватэру былі зачыненыя знутры, парадак рэчаў у жылым памяшканні не парушаны.

У цяперашні час следчым з прыцягненнем спецыялістаў УДКСЭ па г. Мінску праводзіцца дэталёвы агляд, фіксуецца следавая карціна, апытваюцца суседзі і магчымыя відавочцы. Для ўстанаўлення дакладнай прычыны смерці прызначана судова-медыцынская экспертыза.

Усе абставіны і прычыны здарэння будуць устаноўлены Савецкім (г. Мінска) раённым аддзелам Следчага камітэта ў ходзе праверкі.