За гады правядзення форум набыў статус традыцыйнай дыялогавай пляцоўкі прадстаўнікоў органаў улады, бізнес-супольнасцей Расіі і Беларусі.

У першы дзень запланавана работа дзесяці тэматычных секцый, прысвечаных розным напрамкам беларуска-расійскага супрацоўніцтва, — ад прамысловай кааперацыі да сацыяльнай палітыкі, адукацыі і аховы здароўя. У другі дзень адбудуцца сустрэча старшыні Савета Рэспублікі Наталлі Качанавай і старшыні Савета Федэрацыі Валянціны Мацвіенкі з кіраўнікамі органаў дзяржаўнай улады суб’ектаў РФ і рэгіёнаў Беларусі і пленарнае пасяджэнне, якое пройдзе ў Мінскім міжнародным выставачным цэнтры.

На форуме плануецца падпісаць дзясяткі пагадненняў, мемарандумаў і дарожных карт паміж рэгіёнамі і прадпрыемствамі.

У дні правядзення форуму на пляцоўцы «БелЭкспа» будзе працаваць кірмаш-выстава тавараў беларускіх і расійскіх вытворцаў. 

Акрамя дзелавой праграмы арганізатары падрыхтавалі насычаную культурную частку, падчас якой госці змогуць пазнаёміцца з галоўнымі славутасцямі Мінска і Мінскай вобласці.

Арганізатарамі форуму выступаюць Савет Рэспублікі Нацыянальнага сходу Беларусі і Савет Федэрацыі Федэральнага сходу Расіі.