Старшыня Савета Рэспублікі Наталля Качанава, якая прыняла ўдзел у пасяджэнні Маладзёжнага савета пры Савеце Рэспублікі, заўважыла, што аб рабоце Маладзёжнага савета ведае не па чутках, паколькі работа з моладдзю — адзін з ключавых напрамкаў у дзейнасці Савета Рэспублікі:
— Маладзёжная палітыка ў Беларусі заўсёды была, ёсць і будзе адным з прыярытэтных напрамкаў дзяржаўнай палітыкі. Прэзідэнт удзяляе сур’ёзную ўвагу маладзёжнай палітыцы. І мы рады таму, што 5 гадоў таму быў створаны Маладзёжны савет пры Нацыянальным зборы Рэспублікі Беларусь, таму што для многіх вы паслужылі прыкладам. Сёння маладзёжныя саветы ствараюцца пры міністэрствах і ведамствах, не гаворачы аб тым, што яны функцыянуюць ужо практычна ва ўсіх рэгіёнах нашай краіны. Гэта сведчыць аб тым, што рашэнне было абсалютна правільным і ваша дзейнасць заўважная, — сказала Старшыня Савета Рэспублікі.