«Першыя пункты пачалі працу ўжо ў розных гарадах краіны. У бліжэйшыя месяцы геаграфія праекта будзе пашырацца», — адзначылі ў прэс-службе. Дакладныя адрасы аддзяленняў пакуль не раскрываюцца.

Асаблівасць праекту ў тым, што пункты выдачы з’явяцца не толькі ў буйных населеных пунктах, але і ў сельскай мясцовасці. Абяцана, што ўсе яны будуць працаваць па стандартах сэрвісу Wildberries: кліенты змогуць прымерыць тавар, скарыстацца базавымі паслугамі і, пры неабходнасці, вярнуць пакупку.

Генеральны дырэктар РУП «Белпошта» Святлана Юркевіч падкрэсліла:

«Мы бачым вялізны патэнцыял у выкарыстанні паштовых аддзяленняў як каналаў выдачы заказаў з Wildberries. Гэта зробіць пакупкі яшчэ больш даступнымі для нашых грамадзян».