За чатыры спаборніцкія дні ўдзельнікі разыгралі 12 камплектаў узнагарод, у заключны дзень, 5 ліпеня, адбыліся 4 фіналы. Перамогу ў заездзе жаночых чацвёрак парных атрымалі Віялета Каратыш, Таццяна Пратасевіч, Вераніка Анацка і Валерыя Шэндэль, у гэтым жа выглядзе праграмы ў мужчын лепшы вынік паказалі Павел Сіненка, Раман Шабацька, Максім Грыбоўскі і Іван Макарэвіч.

Чэмпіёнкамі Беларусі ў жаночай васьмёрцы з рулявым сталі Дыяна Плісава, Кіра Каваленка, Вікторыя Васільева, Вераніка Анацка, Марыя Шода, Антаніна Лаўнікевіч, Таццяна Храмкова, Крысціна Мотуз і Валерыя Цяляк. У хлопцаў у гэтай дысцыпліне першынствавалі Сяргей Валадзько, Дзмітрый Фурман, Уладзіслаў лакун, Дзмітрый Абяранец, Міхаіл Іванчыкаў, Дзяніс Клімята, Антон Купалаў, Дзяніс Кучэраў і рулявая Паліна Кацэвіч.