Як расказаў старшыня гэтага саюза Алег Рагатнікаў, адкрые чараду мерапрыемстваў літаратурны вечар у Нацыянальным мастацкім музеі. «Ён пройдзе 22 студзеня. Запрошаны прадстаўнікі пасольства, кіраўнікі яўрэйскіх арганізацый. Гледачы змогуць пранікнуцца чытаннем вершаў аб вайне і памяці з музычным суправаджэннем. На літаратурным вечары будуць зачытаны развітальныя пісьмы, вершы Хаіма Хефера і іншых аўтараў», — адзначыў Алег Рагатнікаў.

Адкрыты ўрок для школьнікаў у Мірскім замку запланаваны на 27 студзеня. «Туды прыедуць навучэнцы школ Беларусі. Тэма занятку — „Праведнікі народаў свету і подзвіг чалавечнасці ў гады вайны“. Усё будзе арганізавана ў фармаце экскурсіі, стараліся выбраць месца, якое будзе цікава школьнікам», — звярнуў увагу ён.

29 студзеня адбудзецца закрыты паказ беларускага фільма «Блізняты Асвенціма» ў Валожынскай іешыве. «Запрошаны кіраўнікі яўрэйскіх арганізацый, паслы. Удзельнікі змогуць паразмаўляць непасрэдна з творчай групай, якая працавала над фільмам. Сама карціна будзе паказана з англійскімі субцітрамі, а пасля прагляду пройдзе экскурсія па іешыве», — сказаў Алег Рагатнікаў.

Наступным крокам стане прэзентацыя выставы «Чалавечнасць як выбар» 4 лютага ў Нацбібліятэцы. «Будуць асветлены гісторыі праведнікаў з Беларусі, Францыі і Венгрыі, ім прысвечана экспазіцыя. Прадстаўнікі розных нацыянальнасцей раскажуць аб подзвігу людзей, якія ратавалі жыцці ў час вайны. Мерапрыемства пройдзе ў фармаце канцэрта, папярэдне, яго наведаюць каля пяцісот чалавек. Саму экспазіцыю можна будзе ўбачыць у дзень адкрыцця, далей яна перамесціцца ў іншыя гарады Беларусі і абшчыны ў іх», — адзначыў старшыня Саюза беларускіх яўрэйскіх грамадскіх аб’яднанняў і абшчын.

Таксама Алег Рагатнікаў абазначыў ролю такіх мерапрыемстваў. «Халакост — асаблівы боль. Такія мерапрыемствы праводзяцца для таго, каб людзі памяталі важнасць і каштоўнасць міру ва ўсіх яго праяўленнях. Гэта дасць магчымасць не паўтарыцца страшным падзеям», — сказаў на заканчэнне ён.