Намеснік дырэктара дэпартамента па турызме Міністэрства спорту і турызму Кацярына Ганчаронак расказала, адкуль у Беларусь прыязджаюць замежныя турысты і што мы ім паказваем, паведамляе БелТА. 

• Асноўны паток турыстаў у Беларусь — расіяне. Яны складаюць каля 80% усіх грамадзян, якія прыязджаюць да нас. 

«За мінулы год у нас было 6600000 уязных паездак. Сярод геаграфіі турыстаў, акрамя Расійскай Федэрацыі, госці з іншых краін СНД. Таксама вельмі актыўна расце колькасць турыстаў з Кітайскай Народнай Рэспублікі, чаму спрыяе павелічэнне авіярэйсаў з Кітая, — адзначыла Кацярына Ганчаронак. — Адкрыты рэйсы не толькі ў Кітай, але і ў Кітай — Сіань — Мінск»

Начальнік аддзела інфармацыйнага забеспячэння ДУ «Нацыянальнае агенцтва па турызме» Кацярына Аляксеева дадала, што агенцтвам сумесна з абласцямі арганізоўваюцца азнаямленчыя туры для замежнікаў, у тым ліку для грамадзян Кітая, ААЭ. 

«Нядаўна прыязджала дэлегацыя з Паўночнага Каўказа. Мы паказваем найбольш папулярныя турыстычныя аб’екты, у першую чаргу, матэрыяльнай спадчыны ЮНЕСКА — Мірскі і Нясвіжскі замкі, часцей за ўсё заязджаем у Белавежскую пушчу, але залежыць усё і ад напрамкаў, якія цікавяць турыстаў», — расказала яна

У сферы санаторна-курортнага лячэння замежных турыстаў знаёмяць з санаторнай базай. Акрамя таго, актыўна ў краіне развіваецца прамысловы турызм. Калі турысты зацікаўлены ў такім відзе адпачынку, то іх абавязкова возяць на МТЗ, БелАЗ, «Камунарку».