Чалавек, які не ў стане кантраляваць аб’ём ужытага спіртнога, не звяртае ўвагі на якасць алкаголю і адмаўляе сваю залежнасць ад выпіўкі, пакутуе на алкагалізм, расказаў урач-нарколаг Андрэй Сяргееў, паведамляе РІА «Новости».

Як падкрэсліў урач, алкаголік заўсёды адмаўляе, што пакутуе ад залежнасці, і заяўляе, што ў любы момант можа адмовіцца ад спіртнога. Пры гэтым, паводле слоў нарколага, чалавек не ўсведамляе, што яго арганізм перастаў успрымаць алкаголь як яд і для функцыянавання яму патрэбны новыя дозы.

«Сярод прыкмет алкагалізму — страта кантролю за колькасцю алкаголю, які ўжываецца. Затым з’яўляюцца правалы ў памяці і расце талерантнасць да спіртнога — патрабуецца ўсё большая доза для дасягнення эфекту ап’янення», — адзначыў эксперт.

У далейшым, паводле яго слоў, фарміруецца абстынентны сіндром.

«Арганізм адаптуецца да вялікіх доз алкаголю, пры адсутнасці спіртнога не можа перабудавацца і адчувае моцны стрэс, каб пераадолець гэты цяжкі і ў псіхічным, і ў фізічным сэнсе стан зноў трэба ўжываць спіртное», — растлумачыў нарколаг.

Ён зазначыў, што без дапамогі спецыяліста зняць абстынентны сіндром без наступстваў для здароўя вельмі складана.

Працягласць захоўвання бутэлек са спіртным дома таксама можа ўказваць на алкагалізм.

«Самы асноўны і просты тэст — колькі часу набыты алкаголь захоўваецца дома ў бары», — акцэнтуе ўвагу нарколаг.

Паводле яго слоў, калі алкаголь адразу выпіваецца, або калі частата ўжывання павялічваецца, то трэба задумацца аб наяўнасці залежнасці.

Як зазначае спецыяліст, рэгулярнае ўжыванне спіртнога мае негатыўныя наступствы для здароўя, ёсць рызыка развіцця цырозу, сардэчна-сасудзістых захворванняў, анкалогіі.

«Чалавек, які проста любіць выпіць, перад рэальнай пагрозай хваробы здольны спалохацца і спыніцца, алкаголік — не. Хвораму на алкагалізм патрэбная ўрачэбная дапамога», — падсумаваў урач.