Як адзначыў Аляксандр Бяляеў, упершыню ў ходзе вучэння адпрацоўваўся шэраг нестандартных задач. «У першую чаргу гэта перабазіраванне авіяцыі на аператыўныя аэрадромы і палёты па кантрольных цэлях з задзейнічаннем вялікай колькасці авіяцыі — больш за 30 паветраных суднаў, якія адначасова знаходзіліся ў паветры», — канкрэтызаваў ён.
Паводле слоў Аляксандра Бяляева, у кожным вылеце арганізоўваліся дуэльныя сітуацыі: зенітным ракетным войскам стаяла задача на знішчэнне ўдарных груп, а ўдарным групам — на абход зон паражэння.
«Яшчэ адна асаблівасць вучэння — масавыя палёты на палігон у начных умовах ва ўзаемадзеянні трох авіяцыйных воінскіх часцей. Таксама адбылася работа з баявым прымяненнем на авіяцыйных палігонах: задзейнічаліся перадавыя авіяцыйныя наводчыкі, якія ажыццяўлялі навядзенне ў рэжыме рэальнага часу, а таксама кіраванне паветранымі суднамі, у тым ліку і па закрытых каналах сувязі», — расказаў намеснік камандуючага ВПС і войскамі СПА — начальнік авіяцыі.
У вучэнні прынялі ўдзел зенітныя ракетныя войскі, ваеннаслужачыя Заходняга і Паўночна-Заходняга аператыўных камандаванняў, сіл спецыяльных аперацый.
«Вучэнне атрымалася маштабным. Цяпер галоўная задача — падрыхтаваць яго грунтоўны і поўны разбор», — рэзюмаваў Аляксандр Бяляеў.
