Адвакаты Беларусі бясплатна пракансультуюць малазабяспечаных грамадзян. Акцыя пройдзе ў першай палове дня ва ўсіх тэрытарыяльных калегіях адвакатаў у форме вусных кансультацый па пытаннях, не звязаных з прадпрымальніцкай дзейнасцю і якія не патрабуюць азнаямлення з дакументамі. Больш падрабязна з інфармацыяй пра правядзенне акцыі ў кожным рэгіёне можна будзе азнаёміцца на сайтах тэрытарыяльных калегій адвакатаў.

Акрамя таго, асабісты прыём грамадзян, прымеркаваны да Дня народнага адзінства, правядзе ў гэты дзень старшыня Беларускай рэспубліканскай калегіі адвакатаў Віталь Дземідовіч.

У гэтым годзе адвакаты правядуць бясплатныя кансультацыі для малазабяспечаных грамадзян таксама 1 кастрычніка з нагоды Дня пажылых людзей, 14 кастрычніка — Дня маці, 21 кастрычніка — Дня бацькі, 4 снежня — Дня юрыста.