ДТЗ адбылося 21 ліпеня каля 10.00 на 378-м км аўтадарогі М8 граніца Расійскай Федэрацыі — Віцебск — Гомель — граніца Украіны. Сутыкнуліся Renault і Jetta vs7. 

«У выніку ДТЗ 65-гадовая пасажырка Renault загінула, 41-гадовая кіроўца і мужчына, а таксама двое дзяцей 16 і 11 гадоў шпіталізаваныя. З аўтамабіля Jetta vs7 дастаўленыя ў бальніцу 45-гадовая кіроўца і пасажыры — 53-гадовы мужчына і 12-гадовая дзяўчынка», — паведамілі ў МУС.

На месцы здарэння працуюць супрацоўнікі ДАІ, следча-аператыўная група, МНС, медыкі. Прычыны і абставіны высвятляюцца.

У ДАІ нагадалі, што пры кіраванні транспартам кіроўца павінен сачыць за дарожнай абстаноўкай, выбіраць бяспечную хуткасць руху, пры пагаршэнні самаадчування або санлівасці спыніць рух.