Гіганцкая кальдэра японскага вулкана зноў напоўнілася магмай праз 7,3 тыс. гадоў пасля апошняга вывяржэння. Так паказала даследаванне, праведзенае камандай Універсітэта Кобе. Гаворка ідзе аб кальдэры Кікаі, размешчанай на дне Ціхага акіяна за 100 км на поўдзень ад вострава Кюсю. Аб гэтым паведамляе БелТА.
Вывяржэнне Кікаі, якое адбылося больш за 7 тыс. гадоў таму, лічыцца самым буйным у сучаснай геалагічнай эпосе. Навукоўцы даследавалі пакінутую пасля яго кальдэру з дапамогай штучных сейсмічных імпульсаў, якія генерыруюцца пнеўматычнымі гарматамі. Гэта дапамагло ацаніць стан ніжэйлеглых парод.
Вынікі паказалі, што пад кальдэрай знаходзіцца рэзервуар, запоўнены вялікай колькасцю магмы. Гэта магма не з’яўляецца астаткам старажытнага вывяржэння. Хімічны аналіз паказаў, што яна адрозніваецца ад парод, выкінутых падчас апошняга гіганцкага выбуху.
Вучоныя прыйшлі да высновы, што магма, якая зараз прысутнічае ў магматычным рэзервуары пад лававым купалам, з’яўляецца параўнальна маладой. Такія ж рэзервуары могуць знаходзіцца і пад іншымі супервулканамі, такімі як Елаўстан у ЗША і Тоба ў Японіі.
Новыя даныя дазваляюць лепш зразумець прыроду гіганцкіх вулканаў. Гэта таксама важна для прагназавання магчымых новых вывяржэнняў, паведамляе Communications Earth & Environment.
