Органы ўлады разам з МНС, МУС, Міністэрствам аховы здароўя і беларускім Чырвоным Крыжам арганізуюць навучальныя пляцоўкі ў месцах масавага знаходжання людзей. Галоўная мэта — навучыць грамадзян выразнаму алгарытму дзеянняў: як не разгубіцца пры пажары, аператыўна зрэагаваць на любую няштатную сітуацыю і правільна аказаць першую дапамогу. 

Асаблівая ўвага будзе нададзена кіраўнікам арганізацый і прадпрыемстваў, так як на іх ускладзена ключавая роля па забеспячэнні бяспекі на аб’ектах, каардынацыі працэсаў і навучанню персаналу. 

Акрамя таго, па ўсёй краіне запланаваны навучальныя эвакуацыі. Ратавальнікі просяць грамадзян паставіцца з разуменнем да важнасці правядзення гэтых мерапрыемстваў.