Найбуйнейшы расійскі авіяперавозчык «Аэрафлот» з-за тэхнічнага збою адмяніў дзясяткі рэйсаў, у тым ліку ў Мінск. Пра гэта паведамляе БелТА са спасылкай на апавяшчэнне авіякампаніі.
«У працы інфармацыйных сістэм авіякампаніі адбыўся збой. Магчымыя перабоі ў працы сэрвісаў. У сувязі з гэтым чакаецца вымушаная карэкціроўка ў раскладзе выконваемых рэйсаў, у тым ліку шляхам пераносу і адмены», — гаворыцца ў паведамленні авіякампаніі.
У ліку ўжо адмененых рэйсаў значацца SU1830/1831 Масква — Мінск — Масква, SU1842/1843 Масква — Мінск — Масква і SU1836 / 1837 Масква — Мінск — Масква.
