Перагаворам, якія пройдуць у вузкім і шырокім складах, папярэднічае цырымонія афіцыйнай сустрэчы з удзелам вайскоўцаў роты ганаровай варты, выкананнем гімнаў дзвюх краін.

Напапярэдні кіраўнікі дзяржаў ужо пагутарылі ў нефармальнай абстаноўцы. Аляксандр Лукашэнка запрасіў Шаўката Мірзіёева да сябе дадому. «Думаю, у нас будзе добрая сустрэча і мы абмяркуем усе пытанні закулісся. І адкрытыя, і закрытыя пытанні. Мы, як заўсёды, па-сяброўску з вамі абменьваемся ўсёй інфармацыяй, якая ў нас ёсць. Я да гэтага рыхтаваўся. Прытым даўно рыхтаваўся. Я Вас яшчэ раз вітаю ў мяне дома», — сказаў беларускі лідар.

Шаўкат Мірзіёеў падзякаваў за запрашэнне і падкрэсліў, што з задавальненнем прыехаў у Беларусь. «Мы вельмі сур’ёзна рыхтаваліся да гэтага візіту. Пасля вашага гістарычнага візіту (афіцыйны візіт Прэзідэнта Беларусі ва Узбекістан у лютым 2024 года. — Заўв. БелТА) у нас зусім іншыя ўжо ўзаемаадносіны на ўсіх узроўнях», — адзначыў ён.