Дакументам вызначаны сродкі, якія могуць быць накіраваны з інавацыйнага фонду Мінскага аблвыканкама на рэалізацыю інвестпраектаў прадпрыемствам рэгіёна. Так, у 2025—2027 гадах адкрытаму акцыянернаму таварыству «Агракамбінат «Дзяржынскі» на рэалізацыю інвестпраекта «Будаўніцтва завода па вытворчасці бялковага парашку» прадугледжана да Br35 млн, у тым ліку Br3 млн у 2025 годзе.

Яшчэ адна інвестыцыйная пазіцыя — рэканструкцыя мясатлушчавага цэха на Слуцкім мясакамбінаце. Як абазначана ў дакуменце, размова ідзе аб суме да Br5 млн на 2025—2026 гады.

Таксама прадугледжана фінансаванне аб’екта «Хірургічны корпус № 2» Мінскай ордэна Працоўнага Чырвонага Сцяга абласной клінічнай бальніцы ў аграгарадку Лясны Мінскага раёна. У гэтым годзе камунальнаму ўнітарнаму прадпрыемству «Упраўленне капітальнага будаўніцтва Мінаблвыканкама» плануецца накіраваць да Br30,6 млн, у тым ліку на закупку медыцынскага абсталявання.

Пастанова набыла моц з дня яе прыняцця.