Веласіпедны турызм — папулярны від актыўнага адпачынку сярод мінчан і гасцей сталіцы, развіццю якога ўдзяляецца шмат увагі. Так, агульная працягласць веладарожак у Мінску перавысіла 350 км. Пра гэта агенцтву «Минск-Новости» расказаў дырэктар Інфармацыйна-турысцкага цэнтра Аляксей Русакевіч.
— У горадзе распрацаваны шэраг праграм, якія ўключаюць развіццё веласіпеднай інфраструктуры і папулярызацыю веласіпеднага руху, забеспячэнне бяспечных умоў для ўдзельнікаў дарожнага руху, — адзначыў Аляксей Русакевіч.
Ён звярнуў увагу, што ва ўсіх раёнах горада створаны вела-пешаходныя турыстычныя маршруты. Яны аб’яднаны ў адзін тытульны шлях «Сталічны маршрут». Яго агульная працягласць складае больш за 70 км.
— Па ходзе маршруту ўстаноўлены інфармацыйныя таблічкі, атэставаны аўдыягід, — удакладніў Аляксей Русакевіч. — У «Сталічны маршрут» таксама ўключаны для азнаямлення дзевяць культавых будынкаў Мінска. Сярод іх — касцёл Святой Тройцы (Святога Роха), Храм-помнік у гонар Усіх Святых і ў памяць аб ахвярах, выратаванню Айчыны нашай паслужыўшых, царква Аляксандра Неўскага, Касцёл Святога Духа і іншыя.
