Нарада па пытаннях супрацоўніцтва з краінамі Афрыкі прайшла з удзелам міністра прамысловасці Андрэя Кузняцова, а таксама кіраўнікоў айчынных прадпрыемстваў — МАЗ, МТЗ і «Беллакт».

«Наша ключавая задача — аб’яднаць намаганні міністэрстваў, дыпламатычнага корпуса і кіраўнікоў прадпрыемстваў для сістэмнага выканання даручэнняў кіраўніка дзяржавы. Пры рабоце на перспектыўных напрамках неабходны глыбокая прапрацоўка кожнага праекта, эканамічная мэтазгоднасць і дакладнае разуменне спецыфікі канкрэтных рэгіёнаў. Галоўны арыенцір — выходзіць на міжнародныя пляцоўкі з прадметнымі, падлічанымі прапановамі і працаваць на канкрэтны, бачны рэзультат для эканомікі краіны», — адзначыла Старшыня Савета Рэспублікі Наталля Качанава.

Падрабязна былі разгледжаны перспектывы развіцця вытворчай кааперацыі, уключаючы праекты па стварэнні зборачных прадпрыемстваў беларускай тэхнікі, пашырэнне экспарту харчовай прадукцыі, а таксама аптымізацыю лагістычных і фінансава-разліковых схем. Удзельнікі нарады акцэнтавалі ўвагу на неабходнасці сістэмнай прапрацоўкі двухбаковых праектаў і ўзмацненні міжведамаснай каардынацыі для эфектыўнага пашырэння беларускіх тавараў на рынках Афрыкі.