Камандаванню, асабоваму складу, ветэранам органаў пагранічнай службы Рэспублікі Беларусь

Паважаныя таварышы!

Віншую вас са святам — Днём пагранічніка.

Вы стаіце на варце рубяжоў Радзімы, гатовы ў любую хвіліну першымі прыняць на сябе ўдар ворага. Гэта выбар моцных духам і смелых воінаў — сапраўдных патрыётаў.

Кожны з вас працягвае слаўны шлях герояў пагранічнікаў, якія далі рашучы адпор фашысцкім захопнікам у гады Вялікай Айчыннай вайны, герояў, якія здзейснілі подзвігі ў мірны час.

Сёння на граніцы неспакойна. Абарона Айчыны ў перыяд глабальнай геапалітычнай нестабільнасці патрабуе ад нас максімальнай засяроджанасці на пагрозах і мерах па забеспячэнні бяспекі. Мы ўзводзім новыя пагранічныя рубяжы, абсталяваныя сучаснымі тэхнічнымі сродкамі аховы, забяспечваем пагранічную службу найноўшымі ўзорамі ўзбраення і баявой тэхнікі, робім усё, каб захаваць чыстае неба над роднай Беларуссю.

Абсалютна перакананы, што мірны сон нашых грамадзян ахоўваюць прафесіяналы найвышэйшага ўзроўню, верныя абавязку і адданыя сваёй краіне.

Дзякую за службу ветэранам, дзейным ваеннаслужачым і цывільнаму персаналу. У гэты святочны дзень жадаю вам і вашым сем’ям моцнага здароўя, шчасця і дабрабыту!

Прэзідэнт Рэспублікі Беларусь Аляксандр Лукашэнка