«Мы сабраліся абмеркаваць стварэнне холдынга сельгасмашынабудавання. Нам трэба прымаць узважанае рашэнне па гэтым пытанні. Самае галоўнае, каб нашы рашэнні прыводзілі да значных эфектаў», — падкрэсліў кіраўнік урада.

У склад холдынга запланавана ўключэнне вядучых прадпрыемстваў сельгасмашынабудавання: адкрытых акцыянерных таварыстваў «Кіруючая кампанія холдынга «Лідсельмаш», «Кіруючая кампанія холдынга «Бабруйскаграмаш», «Кіруючая кампанія холдынга «Мінскі маторны завод» (у складзе якіх знаходзіцца 22 арганізацыі і 1 філіял).

Ва ўрадзе растлумачылі, што стварэнне холдынга дасць магчымасць аб’яднаць усіх вытворцаў пад адным брэндам, у перспектыве павысіць пазнавальнасць тэхнікі на экспартных рынках, а таксама, улічваючы магчымасці канструктарскіх службаў прадпрыемстваў, выпускаць асобныя віды складанай высокапрадукцыйнай тэхнікі.

Тут дадалі, што першачарговымі задачамі пры стварэнні холдынга ў кароткатэрміновай перспектыве з’яўляюцца

• аператыўнасць і гнуткасць скаардынаванага рэагавання прадпрыемстваў на бягучыя і сярэднетэрміновыя выклікі рынкаў; 

• развіццё ўласнай адзінай сеткі продажаў і даступнасць прадукту для спажыўцоў; 

• захаванне і развіццё адзінай вытворчай праграмы і фарміраванне адзінага балансу.

Рашэнне гэтых задач павінна забяспечыць рост прыбытку — асноўнай крыніцы рэалізацыі інвестыцыйных праектаў і развіцця галіны сельскагаспадарчага машынабудавання ў цэлым.