Алжыр і Беларусь разглядаюць магчымасць адкрыць пасольствы і арганізаваць прамыя авіязносіны. Аб гэтым заявіў журналістам старшыня Нацыянальнага народнага сходу Парламента Алжырскай Народнай Дэмакратычнай Рэспублікі Ібрагім Бугалі 26 мая па выніках сустрэчы з Прэзідэнтам Беларусі Аляксандрам Лукашэнкам, паведаміла БелТА.
«Я ўнёс на разгляд Прэзідэнта прапанову падумаць над магчымасцю адкрыцця дыпламатычных місій у абедзвюх краінах на ўзаемнай аснове», — сказаў ён. Таксама прагучала прапанова разгледзець магчымасць адкрыцця прамых авіязносін паміж Беларуссю і Алжырам, што, паводле слоў спікера, дасць магчымасць «умацаваць міжкультурныя сувязі і ўзаемадзеянне дзелавых колаў».
Сустрэчу з кіраўніком беларускай дзяржавы ён назваў вельмі цёплай і пазітыўнай. Абмяркоўваўся, паводле яго слоў, шэраг сфер супрацоўніцтва з акцэнтам на эканоміку. «У нас ужо існуюць моцныя і цудоўныя адносіны, імпульс якім быў надзены ў час візіту Прэзідэнта Беларусі ў Алжыр у снежні 2025 года. Назіраем добрую дынаміку гэтых адносін», — сказаў парламентарый.
У бліжэйшай будучыні бакі плануюць правесці ў Мінску пасяджэнне сумеснай міжурадавай камісіі, дзе ўвага будзе ўдзелена канкрэтным напрамкам супрацоўніцтва ў эканоміцы, прамысловасці, сельскай гаспадарцы, культуры, навуцы і іншых перспектыўных галінах.
«Мы зацікаўлены ў рэалізацыі сумесных праектаў па вытворчасці трактароў, аўтобуснай тэхнікі, угнаенняў, у якіх маюць патрэбу алжырская эканоміка і сельская гаспадарка. Упэўнены, што рэалізацыя гэтых праектаў будзе на карысць народаў дзвюх краін», — адзначыў Ібрагім Бугалі.
«Упэўнены, што магчымасці нашых краін даюць магчымасць імкнуцца да павелічэння тавараабароту і пошуку новых напрамкаў для супрацоўніцтва ў розных галінах», — дадаў ён.
