«Паводле аператыўных звестак на 5 лістапада, з палёў краіны намалочана 10 493 тыс. т збожжа разам з рапсам і кукурузай. У разрэзе абласцей атрымана: у Мінскай — 2598 тыс. т, Брэсцкай — 2121 тыс. т, Гродзенскай — 2046 тыс. т, Магілёўскай — 1344 тыс. т, Гомельскай — 1321 тыс. т, Віцебскай — 1063 тыс. т», — расказалі ў прэс-службе. 

Збожжавыя і зернебабовыя культуры з кукурузай убраны з 95 % плошчаў, што складае 2205 тыс. гектараў. Сярэдняя ўраджайнасць збожжа (з кукурузай) складае 43 ц/га, што вышэй за леташнюю на 5 ц/га.

Нарыхтавана льнотрасты 198 тыс. т, ураджайнасць вышэйшая за леташнюю на 12,8 ц/га. 

Кукуруза на сілас і зялёны корм убрана з 99 % плошчаў, што складае 1011 тыс. га, нарыхтавана сенажу 13 941 тыс. т (100 % плана), сіласу — 19 401 тыс. т (94 % плана), травяных кармоў — 9562 тыс. т кармавых адзінак (95 % плана).

Усяго агародніны, вырашчанай у адкрытым грунце, сабрана 195 тыс. т, што на 42 тыс. т больш, чым на гэтую ж дату мінулага года. Засеяныя плошчы складаюць больш за 8 тыс. га, ужо ўбрана 94 %.

Паднята зябліва на плошчы 724 тыс. га, што складае 50 % ад плана ў 1432 тыс. га.