Паводле слоў першага намесніка міністра, вынікі ўступных кампаній апошніх гадоў паказваюць стабільна высокую колькасць залічаных без уступных іспытаў і па-за конкурсам. «Гэта тыя хлопцы і дзяўчаты, якія дасягнулі высокіх вынікаў у школах і каледжах. Сёлета такіх залічана амаль 7 тыс. — гэта пераможцы міжнародных і рэспубліканскіх алімпіяд і конкурсаў, медалісты, уладальнікі дыпломаў каледжаў з адзнакай, найлепшыя выпускнікі Нацыянальнага дзіцячага тэхнапарка і іншыя. Па шэрагу спецыяльнасцяў адзначаны высокія прахадныя балы», — расказаў Аляксандр Бахановіч.