Амаль на ўсёй тэрыторыі Беларусі ўведзены абмежаванні на наведванне лясоў. Аб гэтым сведчыць інтэрактыўная карта Міністэрства лясной гаспадаркі, паведаміла БелТА.
Свабоднымі ад забарон і абмежаванняў на наведванне лясоў застаюцца 10 раёнаў Магілёўскай вобласці — Горацкі, Дрыбінскі, Клімавіцкі, Касцюковіцкі, Краснапольскі, Крычаўскі, Слаўгарадскі, Хоцімскі, Чавускі і Чэрыкаўскі, а таксама 5 раёнаў Гомельскай вобласці — Буда-Кашалёўскі, Жлобінскі, Кармянскі, Рагачоўскі і Чачэрскі.
Ва ўсіх астатніх 103 раёнах краіны ўведзены абмежаванні.
Інтэрактыўная карта на партале Мінлясгаса пастаянна абнаўляецца ў залежнасці ад змянення ўмоў надвор’я.
