«У каледжы ў канцы мінулага тыдня адбылося залічэнне навучэнцаў пасля 9-га класа. Вынікі гавораць самі за сябе — на 115 месцаў прэтэндавалі каля 300 хлопцаў і дзяўчат. Конкурс склаў амаль тры чалавекі на месца. Гэта значыць, што фінансавая сфера сёння прыцягвае самых амбіцыйных, разумных і мэтанакіраваных выпускнікоў школ. Такія вынікі даказваюць: праграмы каледжа застаюцца эталонам якасці сярэдняй прафесійнай адукацыі, а дыплом каледжа — гэта рэальны пропуск у прафесію фінансіста», — адзначылі ў Мінфіне.

Абсалютнымі лідарамі сталі спецыяльнасці фінансавага профілю: «Фінансавая дзейнасць» (прахадны бал 9,7), «Бухгалтарскі ўлік, аналіз і кантроль» (9,5), «Банкаўская дзейнасць» (9,4). 

Прайшло залічэнне і абітурыентаў, якія будуць навучацца па мэтавай форме для «Белдзяржстраха» і «ААБ Беларусбанка».