Золатавалютныя рэзервы Беларусі працягваюць абнаўляць гістарычныя максімумы, дасягнуўшы $13,3 млрд на пачатак кастрычніка.

«Ключавым фактарам стала павелічэнне кошту золата ў структуры рэзерваў на $690,4 млн на фоне павышэння сусветных цэн (плюс 11,6 %)», — звярнулі ўвагу ў ЕАБР.

Рэзервовыя актывы ў замежнай валюце выраслі на $176,1 млн. З пачатку года золатавалютныя рэзервы выраслі на $4,4 млрд, пры гэтым больш за палову гэтага прыросту было забяспечана за кошт павелічэння рэзервовых актываў у замежнай валюце.