Згодна з дакументам, лабараторыя будзе функцыянаваць на базе Ляанінскага тэхналагічнага ўніверсітэта (Цзіньчжоу) пад акадэмічным куратарствам абодвух бакоў. Матэрыяльна-тэхнічнае забеспячэнне лабараторыі будзе арганізавана на базе навуковых падраздзяленняў ЛТУ пры метадалагічнай і даследчай падтрымцы з боку АІПІ. 

Кіраўнікамі лабараторыі сталі прафесар Сінь Чэн (ЛТУ) і прафесар Міхаіл Кавалёў (АІПІ НАН Беларусі).

Дзейнасць лабараторыі будзе сканцэнтравана на даследаваннях у галіне матэматычнай аптымізацыі і даследаванні аперацый. У тым ліку аптымізацыя ў вытворчасці і пабудова раскладаў для камп’ютараў, аптымізацыя ў лагістыцы і ланцугах паставак, аптымальнае праектаванне вытворчых ліній, аптымальная інфраструктура, маршрутызацыя і планаванне зарадкі электробусов, набліжаныя схемы для задач аптымізацыі. Таксама сярод прыярытэтных для лабараторыі тэм — прыняцце рашэнняў ва ўмовах нявызначанасці, вылічальная складанасць.

Бакі дамовіліся аб сумеснай навуковай рабоце, публікацыі вынікаў даследаванняў, падрыхтоўцы аспірантаў, а таксама абмене ведамі і навукова-метадычным вопытам. «Стварэнне лабараторыі стала важным крокам ва ўмацаванні супрацоўніцтва паміж навуковымі ўстановамі Беларусі і КНР у галіне лічбавых тэхналогій, матэматычнага мадэлявання і інтэлектуальных сістэм», — падкрэслілі ў НАН.