Аранжавы ўзровень небяспекі аб'яўлены ў Беларусі на 23 красавіка з-за моцнага ветру. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У чацвер ноччу будзе воблачна з праясненнямі, днём пераменная воблачнасць. У многіх раёнах пройдуць невялікія кароткачасовыя ападкі (дождж, месцамі з мокрым снегам). Вецер прагназуецца паўночна-заходні, паўночны 5-10 м/с, з парывамі да 14 м/с, ноччу месцамі, раніцай і днём на большай частцы тэрыторыі краіны — да 15-20 м/с. 

Тэмпература паветра ўначы складзе 1-7 градусаў вышэй за нуль, удзень — ад плюс 6 на паўночным усходзе да 15 градусаў цяпла на паўднёвым захадзе.