У Беларусі 6 мая аб’яўлены аранжавы ўзровень небяспекі з-за гарачыні. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
У сераду будзе пераменная воблачнасць. Пераважна па паўночна-заходняй палавіне краіны пройдуць кароткачасовыя дажджы, месцамі будуць навальніцы. Ноччу і раніцай у асобных раёнах — слабы туман. Вецер няўстойлівы 4-9 м/с, парывы да 14 м/с, месцамі 15-20 м/с.
Тэмпература паветра ноччу складзе ад 9 да 15 градусаў цяпла, месцамі будзе плюс 5-8 градусаў. Днём тэмпература паветра складзе ад плюс 16 градусаў па поўначы да плюс 31 градуса па поўдні.
