Новая сума на 20% перавышае папярэдні рэкорд, які быў зафіксаваны на гэтым жа турніры серыі «Вялікага шлема» ў 2025 годзе. Тады агульныя выплаты спартсменам склалі $90 млн. Калі параўноўваць з паказчыкамі 2024 года, то рост прызавых і ўвогуле складзе 44%.

Арганізатары размеркавалі выплаты ў адзіночных разрадах па стадыях наступным чынам: за выхад у першы круг тэнісісты атрымаюць $140 000, у другі — $190 000, у трэці — $290 000. Удзельнікі 1/8 фіналу заробяць $480 000, чвэрцьфіналісты — $780 000, паўфіналісты — $1 450 000. Фіналістам турніру будзе выплачана $2 800 000, а чэмпіёны атрымаюць $5 500 000.

Пераможцы парных спаборніцтваў (мужчынскіх, жаночых і змешаных) могуць разлічваць на $1 млн на каманду.

Апроч павелічэння прызавых, US Open анансаваў запуск новай праграмы падтрымкі спартсменаў. На яе рэалізацыю ў 2026 годзе будзе выдзелена $2 млн, якія размяркуюць пароўну паміж мужчынамі і жанчынамі. Новы праект закліканы дапоўніць дзейную сістэму пенсійных адлічэнняў і дапамагчы гульцам як у сярэдзіне кар’еры, так і ў перыяд адаптацыі пасля завяршэння прафесійных выступленняў.