У першым крузе цяперашняга першынства «Арсенал» перайграў барысаўчан на іх полі з лікам 3:2. Сённяшняя сустрэча на полі абноўленага гарадскога стадыёна ў Дзяржынску пачнецца ў 18.00. На мінулым тыдні «Арсенал» у сябе дома разышоўся мірам з магілёўскім «Дняпром» (0:0), а БАТЭ на «Барысаў-Арэне» ўступіў бабруйскай «Белшыне» (0:1).

Яшчэ тры паядынкі адбудуцца ў суботу, 31 кастрычніка: «Дынама» (Брэст) — «Віцебск», «Днепр» — «Гомель», «Баранавічы» — «Нафтан». Усе галоўныя фаварыты турніру свае сустрэчы правядуць 1 лістапада. Лідар першынства мінскае «Дынама» прыме на полі Нацыянальнага футбольнага стадыёна гродзенскі «Нёман», дзеючы чэмпіён краіны «МЛ Віцебск», які ідзе другім, таксама ў сябе дома будзе сапернічаць з «Мінскам», а яго праследавацель «Іслач» згуляе ў сталіцы з мазырскай «Славіяй». У Жодзіне футбалісты «Тарпеда-БелАЗа» сустрэнуцца з «Белшынай».

Пасля 26 тураў становішча ў лідзіруючай групе такое: «Дынама» (Мінск) — 58 ачкоў, «МЛ Віцебск» — 56, «Іслач» — 55, «Дынама» (Брэст) — 47, «Нёман» — 43. Турнірную табліцу замыкае «Нафтан», які набраў 17 ачкоў, у «Дняпра» на тры балы больш, у актыве БАТЭ 21 ачко, у «Арсенала» і «Белшыны» па 24 балы. Бамбардзірскую гонку ўзначальвае брэсцкі дынамавец Ягор Карцоў, які забіў 13 мячоў, на адзін гол менш забіў Цімафей Сіманенка з «Гомеля».