Дзяўчыне паведамілі, што аферысты зарэгістравалі дагавор куплі-продажу на яе аўтамабіль, а каб яго ануляваць, трэба прадаць транспартны сродак у самыя кароткія тэрміны.

«Студэнтка ў гэты ж дзень прадала свой аўтамабіль, а атрыманыя 38 тыс. рублёў па ўказанні тых, хто тэлефанаваў, перадала кур’еру нібыта для праверкі. Толькі праз час дзяўчына расказала пра тое, што здарылася, бацькам, якія і параілі звярнуцца ў міліцыю», — паведамілі ў ГУУС. 

Аператыўнікі ўстанавілі і асобу кур’ера. Ім аказаўся 26-гадовы зваршчык з Магілёва, які сам стаў ахвярай махляроў. 

«Мужчына аформіў крэдыт на 20 тыс. рублёў, забраў грошы ў двух падманутых грамадзян і па просьбе аферыстаў пакінуў усе зберажэнні ў тайніку», — паведамілі ў ГУУС.