Асноўнымі прычынамі пагаршэння вынікаў сталі падзенне продажаў у Кітаі і амерыканскія імпартныя пошліны. У трэцім квартале Audi прадала амаль на 20% менш аўтамабіляў, чым годам раней. Паколькі кампанія пакуль не вырабляе машыны ў ЗША, уведзеныя Вашынгтонам тарыфы абышліся ёй прыкладна ў 1,2 млрд еўра. 

Раней паведамлялася, што Audi разглядае магчымасць будаўніцтва завода ў Злучаных Штатах коштам каля чатырох мільярдаў долараў, які зможа выпускаць да 200 тыс. пазадарожнікаў у год. Праект прадугледжвае стварэнне 4,5 тыс. працоўных месцаў, аднак канчатковае рашэнне яшчэ не прынята. Тым часам кампанія плануе скараціць да 7,5 тыс. штатных работнікаў у Германіі да 2029 года.