У Жлобіне на водазаборы «Лебедзеўка» адбылася тэхнічная паломка сістэмы падачы вады. Водазабеспячэнне горада часова прыпынена. Пра гэта паведамілі БелТА ў Жлобінскім райвыканкаме.
Арганізаваны падвоз пітной вады. Пункты раздачы: крама па вул. Шасейная, 109, гандлёвы цэнтр у мікрараёне 16.
«У сувязі з тэхнічнай паломкай на водазаборы „Лебедзеўка“ і часовым адключэннем водазабеспячэння ў шэрагу раёнаў горада створана камісія па надзвычайных сітуацыях. Старшыня камісіі — намеснік старшыні райвыканкама Сяргей Андрусеў. Камісія каардынуе работу па паскораным аднаўленні падачы вады, а таксама кантралюе сітуацыю з забеспячэннем насельніцтва і прадпрыемстваў вадой. Спецыялісты на месцы вядуць аварыйна-аднаўленчыя работы», — адзначылі ў райвыканкаме.
«Сацыяльныя аб’екты кругласутачнага знаходжання забяспечаны вадой. Падвоз арганізаваны бесперапынна», — дадаў Сяргей Андрусеў.
