Авіяпералёты паміж гарадамі Беларусі і Расіі могуць быць прасубсідзіраваны з бюджэту Саюзнай дзяржавы. Аб гэтым паведаміў пасол Беларусі ў РФ Юрый Селіверстаў на Пецярбургскім міжнародным эканамічным форуме на панэльнай дыскусіі «Саюзная дзяржава: час быць першымі», перадае БелТА.
«Нельга не адзначыць пазітыўны прыклад нашага двухбаковага супрацоўніцтва — гэта запуск трансгранічных прыгарадных маршрутаў паяздоў Смаленск — Орша, Смаленск — Віцебск з прымяненнем узгодненага механізма субсідзіравання з бюджэту Саюзнай дзяржавы. Калі мы зможам выпрацаваць для гэтых мэт аналагічны механізм у рамках міжнародных авіяперавозак, як і разглядалі на пасяджэнні Групы высокага ўзроўню, то, думаю, гэта будзе даволі нядрэнна», — сказаў Юрый Селіверстаў.
Ён выказаў упэўненасць, што Пастаянны камітэт Саюзнай дзяржавы будзе актыўна садзейнічаць бакам у выкананні гэтай задачы.
