«Па аператыўных даных на 13 ліпеня, у краіне азімы ячмень убраны на плошчы 100 тыс. га, што складае 40% ад плана. Тэмпы ўборачнай перавышаюць леташнія па ўсіх абласцях. Намалочана 416 тыс. т, сярэдняя ўраджайнасць — 42 ц/ га», — расказалі ў прэс-службе.

У Брэсцкай вобласці намалочана 135 тыс. т, Гомельскай — 98 тыс. т, Гродзенскай — 92 тыс. т, Мінскай — 70 тыс. т, Магілёўскай — 19 тыс. т, у Віцебскай — менш за 1 тыс. т. 

Скошана траў другім укосам на плошчы 431 тыс. га, што складае 43% ад плана ў 1010 тыс. га.

Нарыхтавана сена 323 тыс. т (46% ад плана), сенажу — 9683 тыс. т (68% ад плана), у тым ліку ў Мінскай вобласці — 2397 тыс. т (68%), у Брэсцкай — 1685 тыс. т (56%), Гродзенскай — 1643 тыс. т (61%), Магілёўскай — 1475 тыс. т (89%), Віцебскай — 1304 тыс. т (68%), Гомельскай — 1178 тыс. т (77%).

Сіласу нарыхтавана 308 тыс. т пры плане 20 519 тыс. т. Травяных кармоў нарыхтавана 2962 тыс. т кармавых адзінак, што складае 29% ад плана ў 10 131 тыс. т.

Лён выцераблены на 6 тыс. га, што складае 14% запланаваных плошчаў.

Наяўнасць мінеральных угнаенняў (азотных, фосфарных, калійных) пад азімую сяўбу складае 85% да плана.