Паліцыя Берліна ўвядзе 8-9 мая забароны, у тым ліку на савецкую сімволіку, дэманстрацыю георгіеўскай стужачкі, літар V і Z і нашэнне ваеннай формы, на мемарыялах у парках Трэптаў, Ціргартэн і Шонхольцэр-Хайдэ. У прыватнасці, нельга будзе выконваць песні ваенных гадоў, піша SB.by.
Як інфарміруе ТАСС, газета Berliner Morgenpost, спасылаючыся на прадстаўніка праваахоўных органаў, указала, што гэтыя меры будуць арыентавацца на правілы, якія дзейнічалі 8–9 мая ў апошнія гады. Выключэнні зробяць для дыпламатаў і ветэранаў Вялікай Айчыннай вайны.
ТАСС звярнулася па высвятленне сітуацыі ў паліцыю Берліна, аднак пакуль не атрымала адказу на адпаведны запыт.
Дарэчы, у 2025 годзе берлінская паліцыя забараніла 8–9 мая на савецкіх мемарыялах у нямецкай сталіцы дэманстрацыю савецкіх флагаў, георгіеўскіх стужачак, выкананне ваенных маршаў.
