«Белая Русь», Міністэрства працы і сацыяльнай абароны і Вялікі тэатр Беларусі падчас рэспубліканскай акцыі «Ад усёй душы» запрасілі больш за 1 тыс. падапечных тэрытарыяльных цэнтраў сацыяльнага абслугоўвання насельніцтва і пансіянатаў з усёй краіны на балет «Шчаўкунчык» 17 снежня. Пра гэта БелТА паведамілі ў прэс-службе РГА «Белая Русь».
«Мэта ініцыятывы „Так проста быць разам“ — стварэнне атмасферы цяпла, адзінства і сацыяльнай згуртаванасці. Акцыя падкрэслівае, што грамадства становіцца мацнейшым і лепшым, калі кожны чалавек адчувае сябе патрэбным і акружаным клопатам. Гэта магчымасць падарыць не толькі прыгажосць мастацтва, але і яркія эмоцыі, святочны настрой і такое неабходнае адчуванне дачынення да агульнай культурнай прасторы», — расказалі ў прэс-службе.
Акцыя з’яўляецца прыкладам таго, як тры структуры — грамадскае аб’яднанне, профільнае міністэрства і вядучая ўстанова культуры — могуць эфектыўна працаваць разам для дасягнення сацыяльных мэт.
