«Прыносячы клятву на вернасць Радзіме, навабранец бярэ на сябе вялікую адказнасць. Перш за ўсё, за абарону нашай краіны. І гэту адказнасць малады чалавек павінен будзе пранесці праз усё сваё жыццё. Перыяд службы ва Узброеных Сілах дадзены яму для таго, каб асвоіць ваенную прафесію. Для гэтага мы значна змянілі праграму баявой падрыхтоўкі. Мы робім акцэнт на індывідуальнай падрыхтоўцы, на агнявой вывучцы, тактычнай, інжынернай падрыхтоўцы, авалоданні тактычнай медыцынай, кіраванні беспілотнымі лятальнымі апаратамі, процідзеянні ім. Асаблівая ўвага ўдзялялася і будзе ў далейшым удзяляцца фізічнай падрыхтоўцы», — сказаў Віктар Хрэнін.

Сёння ў 72-м гвардзейскім аб’яднаным вучэбным цэнтры падрыхтоўкі прапаршчыкаў і малодшых спецыялістаў у Барысаве прайшло ўрачыстае мерапрыемства, прысвечанае прывядзенню да ваеннай прысягі новага папаўнення.