Сустрэча прайшла напярэдадні ў іспанскім горадзе Барселона і завяршылася з лікам 2:0 на карысць «сіне-гранатавых». Забітымі галамі ў складзе пераможцаў вызначыліся Ламін Ямаль, які адкрыў лік на 53-й хвіліне паядынку, і Фермін Лопес, які паразіў вароты саперніка на шостай дабаўленай хвіліне.

«Эспаньёл» завяршаў гэты матч у меншасці з-за выдалення абаронцы Леандра Кабрэры на 80-й хвіліне.

Такім чынам «Барселона» датэрмінова была прызнана пераможцам першынства Іспаніі, у актыве каманды 85 набраных ачкоў за два туры да канца сезона Ла Лігі. За кошт перамогі над «Эспаньёл» каманда апярэдзілі мадрыдскі «Рэал», які ідзе другім, на сем балаў і сталі недасягальныя для бліжэйшых праследавацеляў у турнірнай табліцы.

«Барселона» выйграла іспанскі чэмпіянат 28-ы раз у гісторыі. Клуб займае другое месца па гэтым паказчыку, саступаючы толькі «Рэалу», на рахунку якога 36 тытулаў.

Фота: Gettyimages.ru